Advertisement

Select Page

其實, 要進行精液檢查係咪真係咁困難呢??

其實, 要進行精液檢查係咪真係咁困難呢??

“陳醫生呀,點解我生唔到BB嘅? “

呢個係工作上經常有女仕自己或者和老公一齊來見我時問嘅問題。

其實現在已經越來越多人知道, 積極嘗試左半年至一年之後都不能懷孕已經係一種不育嘅徵兆.

不育嘅成因男方同女方都有關係, 唔好成日話係女方嘅問題,今日我先講下男方嘅問題。

精液檢查係產前 / 婚前檢查嘅一個常見項目,有啲男士好聽話, 女朋友叫佢做就做 ,( 可能因為仲” 未結婚 “,依然係做緊’婚前’檢查,聽話好多 )但係有一大批已婚嘅男士, 就無論如何都多番推搪,明明太太已經因為未能懷孕, 心急如焚,都唔肯做一個簡單嘅測試。坊間有好多提供這個測試的化驗所,只提供簡單解釋報告嘅服服務. 而且由非專業人士解釋報告, 明明D 精液檢查各個項目都已經全部borderline , 解釋報告嘅人都會稱之為正常, 有不少嘅病人就係咁, 一直都認為雙方都正常,浪費左好多寶貴嘅生育時間.

大部份嘅化驗所要求你自己在指定時間,帶一個樣本到場,(即係預約時間驗精 ), 原因係,佢哋需要一個在場的化驗師即時做化驗,避免樣本中嘅精子放得太耐之後,死晒,令結果唔準確. 呢個方法嘅好處係,男士可以喺家中舒舒服服, 輕輕鬆鬆咁樣’製造樣本’, 不過佢哋就需要在一個小時內將報告送到化驗所, 期間仲要為精子保暖, 避免佢哋凍死左。 咁到底如何幫精子保溫呢?如果你唔用一個保溫袋嘅話,就可以將樣本袋喺褲袋,用自己嘅體溫將佢暖住. (不過,要找一條褲有個大大地的褲袋先得。 另一個留樣本嘅常見方法就係在化驗所附近嘅公共廁所進行呢個程序, 咁就無咗1小時送到嘅壓力啦,但係面對一啲陌生又不太衞生嘅環境, 再加上可能要霸住個厠隔好耐, 外面有人可能會等,好多男士又未必鍾意喎.

咁有咩方法可以處理呢?其實我選擇咗一間準確性高嘅化驗所, 佢哋仲提供一間好似卡拉OK2人房咁嘅休息室, 裏面嘅燈光非常柔和,仲有電視播放男士喜愛嘅節目同埋有10本8本相關的magazine . 仲有,太太都可以陪伴入去幫下手喎!所以其實都唔係一件咁困難嘅事呀!

生BB係兩方面都要合作嘅事情,好多女士俾自己嘅老爺奶奶追到瘦,但係佢哋又唔夠膽講老公無體力, 唔配合, 什至連精液都唔肯去化驗, 絕對係有口難言.希望各位男士盡下責任,在懷疑太太點解冇得生之前, 合作下,做一個準確的測試先.

 

 

Advertisement

About The Author

陳少慧醫生

- 婦產科專科醫生 - Specialist in Obstetrics & Gynaecology - 香港中文大學內外全科醫學士 MBChB(CUHK) - 英國皇家婦產科醫學院院士 MRCOG - 香港婦產科學院院士 FHKCOG - 香港中文大學內科醫學文憑 Dip Med (CUHK) - 英國皇家兒科醫學院兒科文憑(國際) DCH (International) - 香港醫學專科學院院士(婦產科) FHKAM (Obstetrics & Gynaecology) - 香港中文大學家庭醫學名譽臨床助理教授 Clinical Assistant Professor (Honorary) in Family Medicine, CUHK Professor (Honorary) in Family Medicine, CUHK

Leave a reply

專欄分類

Recent Posts

[示範] BB沖涼及按摩技巧

Share This